بی اے میں اہلیتی امتحان کے ذریعہ داخلے کے لیے 25؍ اکتوبر آخری تاریخ
حیدرآباد21اکتوبر(ایس او نیوز ؍آئی این ایس انڈیا)مولانا آزاد نیشنل اردو یونیورسٹی،نظامت فاصلاتی تعلیم کی جانب سے تعلیمی سال 2016-17 کے لیے مختلف کورسوں میں داخلے جاری ہے۔ اس سال بی اے میں اہلیتی امتحان کے ذریعہ داخلہ کا موقع بھی فراہم کیا جارہا ہے۔ دیگر کورسز میں ایم اے(اردو، انگریزی اور تاریخ) ، بی۔اے ، بی ایس سی، لائف سائنس اور فزیکل سائنس(باٹنی ،زولوجی، کیمسٹری اور میتھامیٹکس، فزکس،کیمسٹری)، ایک سالہ ڈپلوما پروگرامس ٹیچ انگلش اور جرنلزم اینڈ ماس کمیونی کیشن، چھ ماہی سرٹیفکیٹ کورس اہلیت اردو بذریعہ انگریزی ، فنکشنل انگلش شامل ہیں۔پراسپکٹس مع درخواست فارم نظامت فاصلاتی تعلیم ‘مولانا آزاد نیشنل اردو یونیورسٹی ‘ گچی باؤلی ‘ حیدرآباد اور ریجنل سنٹرس دہلی ‘ پٹنہ ‘ بھوپال ‘ بنگلورو ‘ دربھنگہ ‘کولکتہ ‘ ممبئی ‘ سری نگر اوررانچی‘سب ریجنل سنٹرس حیدرآباد ‘ جموں ‘ نوح ‘ امراوتی اور یونیورسٹی کے تمام اسٹڈی سنٹروں پر دستیاب ہیں ۔ یہ فارمس یونیورسٹی ویب سائٹ (www.manuu.ac.in) سے بھی حاصل کیے جاسکتے ہیں ۔ یوجی ‘ پی جی‘ ڈپلوما اور سرٹی فیکیٹ کورسس میں داخلے کے لیے فارم داخل کرنے کی آخری تاریخ 25؍ اکتوبر 2016 ہے۔ جبکہ 31؍ اکتوبر تک یوجی ‘ پی جی‘ ڈپلوما اور سرٹی فیکیٹ کورسس میں داخلے کے لیے 200 روپے دیرانہ فیس (Late Fee) کے ساتھ فارم داخل کیا جاسکتا ہے۔ بی اے میں داخلے کے خواہشمند ایسے طلبہ جو 10+2 کامیاب نہ ہوں اہلیتی امتحان کے لیے 31؍ اکتوبر تک فارم داخل کرسکتے ہیں۔ اہلیتی امتحان کے لیے درخواست فارم 250/-روپے کے بینک ڈرافٹ کے عوض شخصی طور پر یا بذریعہ ڈاک حاصل کیا جاسکتا ہے۔ پراسپکٹس مع درخواست فارم شخصی طورپر 200/-روپے یا بذریعہ ڈاک 280/- روپے کے بینک ڈرافٹ کے عوض حاصل کیا جاسکتا ہے ۔ بینک ڈرافٹ متعلقہ ریجنل سنٹر کے نام بنوانا ہوگا ۔ ڈرافٹ کی تفصیلات اپنے قریبی ریجنل سنٹر یا اسٹڈی سنٹر سے حاصل کی جاسکتی ہیں۔